مواهب غير طبيعية.. أول تعليق لعمرو أديب عقب تتويج الزمالك بالسوبر الإفريقي
احتفل الإعلامى عمرو أديب المعروف بانتمائه لنادي الزمالك المصري، مساء يوم الجمعة الموافق 14 فبراير| شباط 2020، بفوز الأبيض على نادي الترجي التونسي بثلاثة أهداف مقابل هدف واحد، في اللقاء الذي أُقيم بين الفريقين على ملعب نادي الغرافة بالعاصمة القطرية الدوحة، ليتوج الزمالك ببطولة السوبر الإفريقي للمرة الرابعة في تاريخه بعد أن غاب اللقب سنوات عن خزائن القلعة البيضاء.
عمرو أديب عن فوز الزمالك على الترجي: مفيش لاعب نص نص
وكتب عمرو أديب، عبر حسابه على موقع التدوينات القصيرة “تويتر”، “ألف مبروك يا رجالة، مواهب غير طبيعية وروح قتالية جبارة، مفيش لاعب نص نص كلهم عالميين، مفيش نقلة غلط، مدرب صاحي وواعي استغل كل نقاط الضعف اللي في الترجي، سعادة وفرحة ونصر وانصاف لنادي وجمهور محتاج يعرف طعم النصر والبطولات، اسعدتم المصريين بره وجوه، شكرا ليكم”.
الف مبروك يا رجاله مواهب غير طبيعيه وروح قتاليه جباره مفيش لاعب نص نص كلهم عالميين مفيش نقله غلط مدرب صاحى وواعى استغل كل نقاط الضعف اللي فى الترجى . سعاده وفرحه ونصره وانصاف لنادي وجمهور محتاج يعرف طعم النصر والبطولات . اسعدتم المصريين بره وجوه شكرا ليكم
— Amr Adib (@Amradib) February 14, 2020
عمرو أديب: حرام الزمالك مياخدش الدوري
وفي برنامجه “الحكاية” عبر فضائية “mbc مصر”، أكد عمرو أديب أن فريق نادي الزمالك نجح في أن يرفع اسم مصر وعلمها عالياً وسط العاصمة القطرية الدوحة، مضيفا: “نادي الزمالك على سن ورُمح، الفريق السوبر، اللي عنده لاعيبة موهوبة، كلنا شوفنا في الماتش الفن والهندسة، شوفنا الرجولة والمهارة والأعصاب من حديد، كارتيرون قدر يحط فريق تقيل زي الترجي التونسي في الكورنر، لازم نحيي المصريين اللي في الدوحة سواء زملكاوية أو أهلاوية، وبقول لكل زملكاوي: ارفع راسك فوق أنت زملكاوي، لازم تكون فخور أنك زملكاوي، الزمالك فاكهة الكورة ومعلمينها، حرام الزمالك مياخدش الدوري السنادي”.
